archiu | A nòste RSS feed for this section

Lo Casau

11 Abr

Arribon la prima e lo solèu (*), e lo casau ! Èi pres lo palahèr, la hossèra, lo cordèth e lo rastèth, me soi escupit dens las mans e zo ! Vau ensajar de n’en har lo seguit, cada setmana, atau aurèi de que díser aquí. Botarèi tanben quauquas fotografias (pr’amor deu nom deu blòg…).

Advertisements

Lo tornar de la Cuja Muscada

6 Set

Que’vs aví dejà parlat de la cuja dens un article (CLIC), e lo Tiston e lo Danís qu’avèn diagnosticat una cuja muscada. Se son pas tròp trompats ! Vaquí çò qu’es vaduda après quauquas setmanas de sorelh :

cuja muscada de Provença

cuja muscada de Provença

cuja muscada de Provença

cuja muscada de Provença

cuja muscada de Provença

cuja muscada de Provença

Es una cuja muscada de Provença !

Mercés au compòst, avem un pè de melons ! Çaquelà, son un pauc tardius …

melons

melons

e tanben quauquas bèras cujas ben roias !

cujas

cujas

Help ! Botanica ! Legumatge !

1 Ago

Coneishetz benlèu las susprèsas que pòt dar un compostaire ? I a quauqu’arren que creish dens lo casau. Avem un pè de cuja (iranja, plan com cau), mes avem tamben aquò, la cuja verda !


S’avetz una idèia de çò qu’es, lo nom latin, lo nom francés, o un deus 35 noms occitans que dèu aver … Mercés de pensar a jo !

Edicion de 12h10 : Mercés aus dus lemosins Tiston e Danís, sèi adara qu’es una cuja muscada (cucurbita moschata) !

L’annada 2008

26 Dec

L’annada s’acaba. E òc. Ua meishanta annada. Lo gran es mòrt, mei un detzenat de gens deu vilatge. Un amic, 33 ans, a avut la meishanta idèia de morir dens un accident de veitura.  Lo can, aquèth brave pèc, a crevat còp sec, en tres jorns, d’ua puta de malautia, quitament pas dens un accident. En mei d’aquò, me soi engatjat dens ua escòla a 5000 € l’annada, e per 2 ans, e tot aquò tà aver lo niveth lo mei baish dens lo sector deu torisme … Guida interprèt regionau (se soi guida d’Aquitània, pòdi pas trabalhar dens las autas regions, quitament pas dens los despartaments limitròfs). En mei d’aquò, l’ensenhament dens aqueth sector es catastrofic tà quauqu’un tau coma jo, sensibilizat a la cultura deu pòple, lo « patrimòni vernacular » com se dit dens lo mitan. Çò melhor de parlar de las plajas de las Lanas, de las estacions de ski deus Pirenèus o de las baumas pre-istoricas de la valada de la Vesera. Valors seguras … E lo niveth deus estudiants es extraordinarí : s’avetz lo malastre de díser que los Bascós caçavan las balenas o de saber que l’Aquitània es compausada de 5 despartaments (Gironda, Lanas, Pirenèus Atlanticas, Òut e Garona e Dordonha), tot lo monde vos ten per l’assabentat de la classa ! En mei d’aquò, las lengas regionaus son estadas reconeishudas per la Constitucion de l’Estat francés, es a díser plaçadas dens un musèu. (Mamie, quan eras pitchona, parlavas lo musèu !)

Totun, a maugrat de tot aquò, aquèra annada estó la mei bona annada de la mia vita (ei 24 ans, çò que comença de har de que comparar !) Lo purmer de genier, ei avut la bona idèia de fringar ua gojata fabulosa, inteligenta, volontara, bona codineira, bèra, … e l’ei gardada ! Me balha l’enveja de marchar, de’m quilhar.

Per resumir, ua annada de las bonas, la vida, que.