Pensatz diferentament

22 Mai

Pensatz diferentament.*

Sabi pas çò que m’arriba despuish una setmana, mes èi una òrra set de pensada alternativa !
Tot comencè per aquesta videò :

Puish aquèra :

S’avetz pas 5 òras a disposicion, espiatz aquèra :

Bon, soi pas au punt sus la question de l’educacion populària, mes las conferéncias gesticuladas de Franck Lepage an l’avantatge de segotir las neurònas.

Mes me soi pas estancat ad aquò ! Avèvi ensajat de légir Métronome de Lorànt Deutsch (urosament, mercés au Kindle, e a la magia d’Internet, l’èi pas crompat…) e avèvi pas passat lo purmèr capítol. Lo fabulós actor deu filme 3-0 se la jogava un chic tròp « jo que sabi  ! jo que sabi ! » (genre Hermione dens Harry Potter). Fin finau, semblaré qu’agi rason de pas perder temps (e moneda) dab aquò… (E l’emission en 4 parts de France 5… Mon Diu…)

Mes èi trobat quauqu’arren d’interessant. Un libe sus l’istòria de França descorticada per un jornalista deu Nouvel Observateur. Bon, soi pas fan d’aquesta revista, mes fau avoar que l’obratge es de qualitat e tempta de sortir de la vision costumèra de l’istòria nacionau qu’avem.

S’ic trobatz per pas tròp car :

  • François Reynaert, Nos ancêtres les gaulois et autres fadaises. Fayard, 2010. ISBN : 978-2213655154 (Disponible en ebook)

Evidentament, s’avetz legit las òbras completas de Robert Lafont, seratz un chic decebut ; mes s’avetz un amic « istoriòfile » e pas tròp critic (un deus qu’an crompat Métronome per exemple…), podetz docetament començar son educacion dab aquò.

*Think difrerent.

Advertisements

2 responsas to “Pensatz diferentament”

  1. janpeire 23 Mai 2012 a 08:43 #

    Lu Lepage es nòstre (association décroissance conviviale) « coach » virtuau per farjar ‘na conferença gesticualada~teatralisada sus la tematica de la descreissança, e i a dau trabalh per ‘ribar ad un tau punc de qualitat.
    Per lu Lorànt, avant l’article de Rua89, sabiá quitament pas de que que quò parlava son libre.

    Per ‘n’istòria de França « alternativa », i a lu libre « Histoire de France, l’imposture » dau Georges Labouysse, chas IEO-edicion, crese. Beleu un pauc militant de tròp, qua’iment « rance » mas, dau bon trablah.

    • Òme de la Stacion 23 Mai 2012 a 08:53 #

      Òc, es lo punt interessant deu « Nos Ancètres… » : pas militant, donc benlèu mei aisit per una purmèra confrontacion…

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: