Casalís !

23 Mai

En Sud Gironda, lo vilatjòt de Casalís (Cazalis en francés), s’es lançat dens la senhalizacion bilingua, e bravament ! Dab sonque 215 poblans, es un deus mensh poblats deu despartament, totun acò estópas un gran chepic quan vesem lo nivèu de l’iniciativa. Quan gausam sonque esperar una o duas placas d’intrada d’aglomeracion, son una detzenada de placas barrejadas dens lo vilatge, e dens lo quite quartièr de Souis, a 2 km ! A la mia coneishença, i a pas nat putz de petròli d’aquèth costat de la Gironda (lo putz de Parentís es pas d’aquèth costat), donc deu pas estar un ahar de moneda. Esperam que los vilatges mei grans, e las quite vilas coma Sent Sefrian, Vasatz, Vilandraut, Lengon e perque pas Bordèu se saberàn inspirar d’un vilatjòt atau !

Maison comuna BibliotècaBenvinguda a CasalísAubèrga de CasalísRondalèira deus Docs

Advertisements

5 responsas to “Casalís !”

  1. Embeye 24 Mai 2010 a 18:17 #

    Ne s’i parla pas mei gascon hens aqueths parçans. Arrés ne saberà pas léger aquera senhalizacion. Ua iniciativa mei intelligenta que seré arreviscolar los vielhs toponimes desapareishuts e contaminats peus « Lotissements des Tulipes », dab ua grafia fonetica entà qui los navèths poblants e’s familiarizen a las sonoritats deu praube gascon vasadés qui’s morí 50 ans a. « Maison comuna » que serà prononciat a la francesa : « Mésôn Comunàààààà ». « Maÿsoung coumune », per mei « patoisant » que sia, que’s legerà plan.

    • Òmi de la Situacion 25 Mai 2010 a 00:06 #

      Coma semblatz conéisher lo parçan e motivat entà balhar cors d’occitan, podetz contactar l’IEO Aquitània que cerca professors.
      IEO Aquitània, Ostau Occitan, 171 avenguda de la Palhèira 33600 PESSAC ieoaquitania@ieo-oc.org 05 56 39 27 99

  2. Embeye 25 Mai 2010 a 03:03 #

    Ne i a pas nada demanda entà cors de gascon : de ueimés, lo Vasadés qu’ei ua banlèga residenciau de Bordèu hèita de maisoetas rososas d’estile « Sunset Beach » quan las darrèras casas horastèras e s’aclapan, ua contrada mutilada per l’autorota. B’ei inutile sensibilisar aus poblants navèths en ua lenga qui perdó la soa utilitat sociau hens las anadas 50. 1% de locutors en las Hautas Pireneas segon l’IEO65. En Gironda, 0.1% ? Que son tèrras perdudas. On son los vieilhs lanusquets (« landescòts » en parlar girondin) de la lana bordalesa dab qui Arnaudin e s’acarava ? Qu’ei un monde anientat, un saunei malenconiós. Ne i a pas sonque los pins qui sian gascons … ja sia qui’s semblen ad espargàs. B’ei trista la vertat. Quauques panelets en ua grafia exotica entà la màger part deu monde ne’ns tornarà pas jamei lo Vasadés d’autasvetz.

  3. Maime 25 Mai 2010 a 11:11 #

    Queus paneus permeten de dire que n’i a ‘n’autra lenga, ‘n’autra cultura au monde dau « lotissment des Tulipes » e benleu quauqu’un s’interessarà a la lenga. La grafia classica permet que me, coma mos amics lemosins, si venem a Casalís podriam cerchar la « maison comuna » (que disem « meïjou coumuno » si l’escrive la pronociacion a la francesa). Perque, veses, n’i a de la demande per parlar occitan, dau monde que volen viure en occitan.

    sinon per la pronociacion, t’as tot faus ! Fau escriure May-zoong coomuna, perque l’avenidor de la Gasconha es l’angles, non ?

  4. Pèir 26 Mai 2010 a 07:53 #

    Quan legishi los messatges de « Embeye », aquò hè hame de’s balhar la mort! Mes seriosament e mes qu’aqueras pelejas de grafia, aquíu ua iniciativa de las bonas qu’aquera senhalizacion bilingüa. Cau esperar sonque que i avosse un pauc de pedagogia ende hèr comprénguer aquera iniciativa au mond deu vilatjòt o aus toristas.

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s