Alícia a Wonderland

10 Abr

Las Clucas 3DI a duas setmanas, dab la Forever Polida, avem pres las clucas 3D qu’avèvam crompat per véder Avatar, e èm anats de cap au CGR. Soi anat véder Alícia au país de las meravilhas (Alice in Wonderland) de Tim Burton. Es una adaptacion deu libe de Lewis Carroll Alice’s Adventures in Wonderland, que tot lo monde coneish mercés a Disney qu’en hasó una adaptacion en 1951. Dens aqueth film, podem trobar Mia Wasikowska, una actriça australiana que coneishevi pas, dens lo ròtle d’Alícia, Lo Caperèr pècmes tanben Helena Bonham-Carter (Fight Club, e haut o baish tot los film de Burton despuish Planet of the Apes en 2001) dens lo ròtle de la Reina roja.

Lo Tim Burton s’es sentit ad aise dab lo livre, e enlòc d’una adaptacion normau, com tot lo monde hè a Hollywood, dab lo personatge principau que s’enamora d’un aute e un chic de violença (de que, se debana pas aquò dens lo libe ? èi dit una adaptacion normau tau coma a Hollywood !), lo Tim a inventat la seguida-adaptacion fidèla tau coma a Hollywood ! Sabetz pas çò Afica 1qu’es una seguida-adaptacion ? Non, es pas exactament lo 2, lo retorn, la revenja, coma per Rambo o Harry Potter. Es pas exactament tanpauc la seguida inventada per los estúdios d’un 1 adaptat d’un roman (avetz comprès ? per exemple Les liaisons dangereuses de Pierre Choderlos de Laclos es estat adaptat en 1999 dens lo film Cruel Intentions de Roger Kumble, e l’an d’apres, pr’amor deu succès deu film, n’an hèit lo segond, qu’es poirit a racar). Burton, eth, non podèva s’acotentar d’aquò. Non podèva har una seguida normau (on Aliça s’en irèi véner la soa istòria ad un editor que fin finau seré lo Caperèr caluc ?). Non, lo Tim, s’es adaptat lo libe en seguida !

Vos vau contar l’istòria, serà mei aisit d’ec compréner. Alícia a 19 ans, e se dèu marridat dab un meishant dròlle, un inglés grandós Afica 2de l’epòca victoriana, sabetz, la cara deu prince Charles, la morala de Christine Boutin,… Es convidada ad una recepcion mondana on se deven anovar. La dròlla s’escapa per seguir un conil blanc,  tomba dens un cròs, e tomba e tomba, e tomba, dinca una sala on se tròba una pitchòta pòrta. Ah, Coneishetz l’istòria ? Ben òc, l’èi dit, es una adaptacion ! Bon, fin finau, rencontra lo Gat risolièr, lo Caperèr caluc, una landara, dus bessons, … Mes tots que semblan se demandar s’es « la » Alícia. La gojata non compren pas, se bremba sonque d’aver vist aqueth lòc en saunèir. Quan l’encontra, lo Caperèr caluc relança la soa mòstra (se’vs brembatz, se planhava qu’èra tardièra dens lo libe), e queAlice au Pays des Merveilles lo moment es arribat. Comprenem donc qu’acò es la seguida de çò qu’avèvam vist mercés a Disney. La gojata torna har cada espròva, mes dab un vejaire mei adult. Lo còp passat èra tròp pitchona. Dèu ajudar los poblans de Wonderland a caçar la Reina roja e balhar lo poder a la Reina blanca.

Ah, èi mancat oblidar : lo ròtle deus Caperèr caluc es tenut per Johnny Depp, mes acò es sonque un chic de marketing, non ?

Advertisements

3 responsas to “Alícia a Wonderland”

  1. Jp la rapieta 11 Abriu 2010 a 19:55 #

    Bonser,

    ai ‘nat veire lu film per iò rancurar dès los prumièrs imatges. Un film realisat per la technologia 3D, un film ente i a p’una istoria. Tant tornar legir los libres « Alice’s Adventures in Wonderland » & « Through the Looking-Glass » que non pas ‘visar ‘queu paubre boiradís de las doas istòrias. Son chas los boquinistes o sus la tiala, en anglés, en francés, per qua’iment ren.

    M’es ‘vís que lu Burton es ‘bracat.

    • Òmi de la Situacion 11 Abriu 2010 a 23:28 #

      Soi plan d’accordi dab tu, es un film per la technologia 3D ! Per çò qu’es deus libes, que’us èi crompat la setmana passada, e que’us conselhi !

Trackbacks/Pingbacks

  1. Sonia au país de las meravilhas « Rapieta - 15 Març 2012

    […] De legir aquí maitot. […]

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: