Carris au despart de Gasconha Nòrd (Bordalés, País de Buch, Petita Lana, Vasadés, …)

Bon, coneishi plan lo desbat que i a avut aquí sus la manifestacion de Carcassona d’octobre 2009 (e òc, cau pas desbrembar que soi lo creator d’aqueth forum … !!!) e quitament s’èi pas votat per dens lo petit sondatge qu’avem hèit, ad un moment, se cau har tau

Lo bilingüisme, aquò’s plan !

Lo hrair s’es crompat lo Science & Vie, e i èi trobat aquò (bon, es en francés, mes harèi lèu ua revirada) :

Le bébé « bilingue » réagit plus vite à l’imprévu.

Agnes Melinda Kovács, chercheuse à l’Institut de psychologie de Budapest, a testé les capacités cognitives de 120 enfants de 7 mois, élevés dans un environnement bilingue ou monolingue. La chercheuse a démontré que les bébés « bilingues » avaient acquis des capacités mentales qui, chez l’adulte, permettent d’inhiber des comportements habituels pour mieux réagir à l’imprévu. Elle a soumis les enfants à des stimuli visuels ou auditifs qui préfiguraient l’apparition d’une marionnette à un endroit précis. Après quelques stimuli, tous les bébés anticipaient l’apparition de la marionnette et dirigeaient leur regard où celle-ci devait apparaître. Mais, dans la deuxième phase du test, alors que la marionnette apparaissait à un autre endroit, seuls les bébés bilingues parvenaient à réfréner la réponse précédemment acquise et à regarder au bon endroit. D’après la chercheuse, l’apparition précoce de ces capacités cognitives viendrait de la nécessité de passer facilement d’une langue à l’autre.

C. Hancok, Science & Vie n°1102, p. 23, juillet 2009

Help ! Botanica ! Legumatge !

Coneishetz benlèu las susprèsas que pòt dar un compostaire ? I a quauqu’arren que creish dens lo casau. Avem un pè de cuja (iranja, plan com cau), mes avem tamben aquò, la cuja verda !

S’avetz una idèia de çò qu’es, lo nom latin, lo nom francés, o un deus 35 noms occitans que dèu aver … Mercés de pensar a jo !

Edicion de 12h10 : Mercés aus dus lemosins Tiston e Danís, sèi adara qu’es una cuja muscada (cucurbita moschata) !

Femna d’òc ! Parla !

Demoretz pas suu mon blòg ont se debana pas arren, anatz suu blòg de l’OLC ont Occitaneta e’ns a hèit un article deus bons (clic) !

Carcassona 2009

Lo 24 d’octobre, lo comitat Anem Oc organiza la grana manifestacion per la lenga occitana a Carcassona.
En Gasconha Nòrd, l’IEO33 e’s bolega entà pegar las afichas sus cada paret, e organiza los autocars que partiran deu parçan. Siatz numerós !

Estivada de Rodès 2009

Estivada 2009

I vau dens ua ora, e m’en tornaréi dimenge. La programacion es pas estrambordanta, l’aficha es pas beròia, mes bon …

La Bòrda redonda de Gualada

La bòrda redonda de Gualada (quartèr Cap de Bos), darrèr exemplari d’aquèra architectura lanèsa agro-pastorau, es miaçada per la LGV …

La LGV en Gironda

Espiatz un chic ont la LGV passarà en Gironda … (Vos ei quitament botat los noms de comunas en Occitan, segond lo libre de Bénédicte Boyrie-Fénié) Bon enfin, se cau bolegar lo cuu.

Aiga Mòrta de las Gravas, Bautiran, Begla, Bordèu, Cabanac e Villagrans, Cadaujac, Castra, La Brèda, Martilhac, Sent Medard d’Aruan, Sent Seuve, Vilanava d’Ornon,

Alhàs, Arbanats, Auròs, Balisac, Barçac, Bernòs-Baulac, Branens, Budòs, Capsiuts, Casalís, Coimèras, Cudòs, Escaudas, Giscòs, Gualada, Hargas, Ilats, Landiràs, L’Artiga, Lengon, L’Èrm e Musset, Leujats, Linhan de Vasats, Lo Nisan, Luc Mau, Marions, Maseras, Mas Rimbaut, Noalhac, Noalhan, Pont Daurat, Portèth, Preishac, Prenhac, Pujòus de Siron, Roalhan, Savignac, Sent Luguièr de Balion, Sent Miquèu de Castèthnau, Sent Miquèu de Riu Fred, Sent Pèir de Mons, Sigalens, Tolena, Usèste, Viaujac, Vilandraut, Vasats, Viralada

Avetz ensajat de har dintrar un rond dens un quarrat ?

Avetz ensajat de har dintrar un rond dens un quarrat ? En çò de Daddy, qu’ac saben har !

Public Enemies

Public Enemies

Ièr, dab la polidèta, que’m anat dinc au Cinemà Gigant de Vilanave d’Ornon, entà anar véder lo darrièr film dab lo Joanòt Depp : Public Enemies. Avèvi espiat un pauc la critica, e lo quite Telerama l’i en botava ua bona ! Bon, soi pas un fanatic deu Joanòt, mei lo Christian Bale (American Psycho, Batman Begins, The Dark Knight, The Machinist, …), aquò’s un actor que m’agrada, es un òmi que se pòt jogar lo ròtle que vòu.

Lo realisator es lo Michael Mann, e aquò n’era pas per m’estrambordar … Le Dernier des Mohicans, Miami Vice, … E puish lo tipe a pas jamei crompat de pè de camerà e vira tostemps camerà sus l’espatla, çò que da un costat documentarí, segur, mes sus 2h13, da sustot l’enveja de tornar lo disnar …

Bon, lo film es la fin deu bandit John Dillinger, un gentleman panaire de bancas. Es un pauc  Mesrine en America pendent la Grana Depression.  A ua bona imatge dens l’opinion public, lo FBI es despaçat, e patin, e cofin, e se troba ua amigueta.

D’alhors, l’amigueta, es la Marion Cotillard, sabetz, lo second ròtle de Taxi 1, 2, 3, 4, 5 …. que despuish que hasó Edith Piaf dens la Môme a un cap gròs com ua citerna Butagaz. Ben es lo costat colhèta-panpan deu film. Dillinger es un gròs brutàs de machò que se harè corrigir per ua gojata de l’OLC a grans tums de Rangers dens las bassaquetas e la Marion Cotillard en es amorosa com deu son purmer pegasolet “Occitan Lenga Oficiau” …

Ma Forever Polida en es sortida en me disant “Ouais ben je préfère Medal of Honor, au moins c’est nous qui jouons !”. Vertat, la mitralheta Thomson, a ua tant grana plaça que s’amerita au mensh l’Oscar deu Second Ròtle …