Senhalizacion bilingua : Narbona

Un còp de mei, un pauc de senhalizacion bilingua.

Narbona

Banhòls de la Marenda

Èi passat quauques dias en Catalonha Nòrd (coma torista, mes es mauaisit de non pas ester torista en vacanças), e quina grana susprèsa de trobar, a Banhòls de la Marenda (ortografia deu diccionari AK-LZ de Per Noste, mes Banyuls de la Marenda en Catalan (wiki) o Banyuls-sur-Mer per l’Estat francés), donc quina grana susprèsa de trobar, a costat deu drapèu catalan, deu francés e deu europèu, lo drapèu occitan davant la maison comuna !! Non pòt pas ester lo drapèu de la region Mieidia-Pirenèus, pr’amor se tròba dens la region Lengadòc-Rosselhon.

maison comuna de Banhòls de la Marenda

Help ! Botanica ! Legumatge !

Coneishetz benlèu las susprèsas que pòt dar un compostaire ? I a quauqu’arren que creish dens lo casau. Avem un pè de cuja (iranja, plan com cau), mes avem tamben aquò, la cuja verda !

S’avetz una idèia de çò qu’es, lo nom latin, lo nom francés, o un deus 35 noms occitans que dèu aver … Mercés de pensar a jo !

Edicion de 12h10 : Mercés aus dus lemosins Tiston e Danís, sèi adara qu’es una cuja muscada (cucurbita moschata) !

Senhalisacion bilingua

E coneishetz tots la senhalisacion bilingua ? N’en vaquí quauques exemples !

Aissa

Auloron Senta-Maria

Biost

Brageirac

Chasluç

Chauç-Forn

Colonjas

Laruntz

Maiçac

Sent Joan Ligora

E un ligam tà’u sití de l’IEO Lemosin ont se parla de la senhalisacion bilingua.

Ben non … Serèi pas jamei fotografe animalièr …

Lo Gat-Mòrt

Lo Gat-Mòrt a Castre (Gironda)

Un arriu tipic deu Sud-Gironda.

Dauna e senher, non non non ! Aqueth arriu n’es pas un sanctuarí ont se van negar los gatòts quan vaden … Non non Lo Gat-Mòrt, en francés seré “le Gué Mort“, donc en occitan gascon : lo guà mòrt.