Lo Casau

Arribon la prima e lo solèu (*), e lo casau ! Èi pres lo palahèr, la hossèra, lo cordèth e lo rastèth, me soi escupit dens las mans e zo ! Vau ensajar de n’en har lo seguit, cada setmana, atau aurèi de que díser aquí. Botarèi tanben quauquas fotografias (pr’amor deu nom deu blòg…).

Lo tornar de la Cuja Muscada

Que’vs aví dejà parlat de la cuja dens un article (CLIC), e lo Tiston e lo Danís qu’avèn diagnosticat una cuja muscada. Se son pas tròp trompats ! Vaquí çò qu’es vaduda après quauquas setmanas de sorelh :

cuja muscada de Provença

cuja muscada de Provença

cuja muscada de Provença

Es una cuja muscada de Provença !

Mercés au compòst, avem un pè de melons ! Çaquelà, son un pauc tardius …

melons

e tanben quauquas bèras cujas ben roias !

cujas

Help ! Botanica ! Legumatge !

Coneishetz benlèu las susprèsas que pòt dar un compostaire ? I a quauqu’arren que creish dens lo casau. Avem un pè de cuja (iranja, plan com cau), mes avem tamben aquò, la cuja verda !

S’avetz una idèia de çò qu’es, lo nom latin, lo nom francés, o un deus 35 noms occitans que dèu aver … Mercés de pensar a jo !

Edicion de 12h10 : Mercés aus dus lemosins Tiston e Danís, sèi adara qu’es una cuja muscada (cucurbita moschata) !

Ben non … Serèi pas jamei fotografe animalièr …