Com èm amorós de la cultura, vam anar au cinemà (cercartz l’eror…) aquèra dimenjada dab la Forever Polida ! Bon, ne’vs vau pas díser mei de messorgas : avem avut duas plaças a gratís d’utilizar avan lo 17 de noveme…
Lavetz soi anat suu siti deu cinemà ende saber quaus merda, euh, quaus mervelhosas produccions passan sus la tela blanca :
2012 : Ah ! lo Roland Emmerich nos balha un naveth film catastròfe ! Coneishetz
pas Roland ? Mes si ! Independence Day (Quan los Americans nos muishan lo camin), Godzilla (Quan los Americans nos muishan lo camin 2), The day after tomorrow (Quan los Americans nos muishan lo camin 3) Coneishetz aqueths films ! I a un chic de suspens ! De que se va passar dens aqueth film ? Esperatz …. los Americans nos van muishar lo camin !!!!
Cineman : Es bèth ! Es un bon actor ! Es risolièr ! Franck Dubosc !!! Waouh ! Me demandi se aqueth òmi es en challenge dab eth-medish, pr’amor a cada còps, los films son de mei en mei pietadòs… Urosament, mercés a Camping 2, lèu parlaram d’Arcaishon !
Saw 6 : Yeah ! Òsca ! Aquèth, hasó d’annada qu’ec esperavi ! Saussissa ! Saussissa ! Saussissa ! Saussissa ! Saussissa ! Saussissa ! Saussissa ! Saussissa ! Saussissa ! Saussissa ! Saussissa ! Saussissa ! Vaquí, una critica de las constructivas !
euh… tu vo’es pas vendre tas plaças sus e-bay ????
Comment per Maime — Novembre 10, 2009 @ 11:37 del matin |
Bon, fin finau, èra un messatge per díser 12 còps Saussissa …
Comment per Òmi de la Situacion — Novembre 10, 2009 @ 5:47 del tantòst |
Vòli anar veire 2012 ieu, m’agradan los films catastròfa, mas l’òme me vòl pas acompanhar… pfff…
Comment per Lutz — Novembre 15, 2009 @ 4:38 del matin |