Coleròta : adreça postau

Soi pas un professionau de la Colèra (dèishi aquó au pair Chapduelh), mes i quauqu’arren que non compreni pas tròp.
I quauques mes, sèi pas ont, benlèu suu forum Occitània !!, èi legit un article ont se parlava de la Posta de Bretanha que demandava aus Bretons de non pas escriver las adreça en Breton, pr’amor qu’èra mauaisit per las maquinas e per los emplegats … Evidentament, aquò n’es pas tròp dens lo mens biais de pensar, e quan passi comanda en çò d’un distributor de libres occitans, soi lo prumer a botar la mia adreça en Occitan. Quina susprèsa donc, quan èi passat comanda a IDECO, puish un mes apres en çò de Per Noste, e qu’èi ben marcat Sent Miquèu de Riufred, de recéber paquets adreçats a … Saint-Michel-de-Rieufret … Non, mes, francament, cauré saber ad un moment se volem la socializacion de la lenga o pas … Subretot que n’èi pas botat l’adreça sancèra en Occitan, mes sonque la vila, e lo factor,  m’anetz pas dîser qu’es pro con per s’enganar quan lo còdi postau es lo bon, dens un canton de 6 comunas …